فزعتكم ياجماعة الربع..

[<<دلوعةالقصيم>>]

<div align="center"></div>ياجماعة الخير انا عندي مشكله تهئ .. تهئ .. تهئ..
ابيكم تساعدوني الله لا يحرم اهلكم منكم..
ولا يضيق صدوركم.. وينولكم اللي في بالكم
انا قدر الله علي وخلصت ثالث ثانوي بنسبه تسوووود الخشه بيض الله خششكم..
المهم وبعدها بدت الدموع الكسيره تهطل مني كالأمطار..تهؤ.. تهؤ..يهئى
المهم بدا المشوار مع التسجيل وبدت الدوخه مع طريق الملز ومافيه كليه ماطرقت بابهم ورفضوني ( حشى زواج)
qssu15 وبدت هالعالم تحط من عزيميتي الا ان انفجرت وبطلت ادخل كليه وقلت اقعد في بيت اهلي واريح تنكتي من الدراسه والخرابيط
وبعد ذالك قدر الله ودخلت الكليه qssu5 (لاتقولون وشلون مالكم دخل خلوا لقافة القصمان على جنب) والحين انا اعاني لأني مليت من الدراسه وصرت بجد تنكه متحركه تخيلوا في الأختبار وأروح بدون ماأذاكر qssu24
لا وبالمحاضر اكون مسطله معي على الأخر
وللأسف بدا فيني نووووم فظيع
برايكم وش الحل
افيدونا جزاكم الله خيراً
نرجوا الحل عاجلاً qssu19

[مـــرتــفــع فوووق]

<div align="center"><=== جــايــب العجرى على بالــه انك متهاوشــه هههههههههههه


بس زيـــن ما فيه زنجال هههههههههههههههههه


عــلى العموم تقوليــن انك طلعتِ من الثانوي000

<== هـذا الشخص هذي ثالث سنه له في ثالث ثانوي على باله يبي يجيب نسبه ههههههههههههههههه



ولــكــن عندي لك حــل ههههههههههه


وانــا انصــحكـِ000تخلين الدراسه لأهلها ههههههههههههه


واذا كنتِ مصممه على الدراســه000


اقرب مكتبة خدمات طالب هههههههههههههههههه صوري براشيم والله يعينتس عاد تزبطينها في البيت ليوم الإختبار هههههههههه


ولكـِ خـالص تحيّاتــــي ،،،




اخــــوتس000مرررتفع فوووق







مـقـدر أحـبـكـ000لـكـن مـقـدر أكـرهـكـ000بـيـن مـتـنـاقـضـات الـذات000وش جـابـكـ؟؟ </div>

[!-^-!_ غربه الروح _!-^-!]

<div align="center">يارب إنــي جايه هنا وضايقن صـدري على بالي البنت فيها شي

الله يرررجتس عـاد انا ماتحمل بهالمـواقف اي بنت فيها شي وتبي مساعدهـ

احـس ان العبـرهـ تخنقن <===< اخسس يالحساسه qssu2

اقــول انثـبري وكملّي دراستس بـلادلع بنات <===< هذه كلام امي لي دايم

الله يخليه لي :wub:

تعـّوذي من ابليـس اقـول وشـدّي حـيلتس

قسسم قسسسمات ماينفعتس الا دراستس

<===< إسألي ذ1 الخششه كم مرهـ تفوت الدراسه ثاني اسبوع ترد لها qssu3

اذا تسـان قـصدتس النـوم كلنـا ننام ونحب النـوم بس كل شي له حقه ياوخيتي :wub:

<===< تسنها جـدهـ وتقول نصايح qssu20

مــرتفع ورربي انكـ مضيع دررربك من جـد وشووله ثلاث سنين مفحط بثالث

تـراهـ ثالث سـهله ومايبيله :wub:

<==< تهـدّي فيهم وهي بغى يطير عقله بثالث qssu6

اقوول بس اهجـدي وارركدي وخليتس في دراستس ازين qssu17

مــررتفع يارررب بس انك هالسنه تجيب نسبه وتتخرج من الثانووي

مع اني ماظن انك بتطلع منها بسلا1111م

آسسسفه تـران راعية طوويله qssu20

يالله بس اسمعي كلام اختس وخليتس فيها نظّمي وقتس وبتلقين كل شي زين

تحـ ي ـاتي لكم

qssu25 </div>

[مــــــــــــــي]

مانتيب عاقله يالصدقيه

اجل فيك نوووووووووووووووم .........هاه............. اذا طاحت عيني عليك في المحاضرات تجيبين الكأأبه

اقوووووووول اثقلي بس هاه وانا اختس..........لتس مني كل امتحااااان تجلسين جنبي وماعليك......((( بترسب البنت)))


اثر كل هالكسل فيك ومابان عليك ................... خيتووووووو هونيها ووتهووووووووووووون ((( احتسبي الاجر)))<<< على قولة دكتورتنا ذيك الله يذكرها بالخير....



مع خالص حبي وتحياااااااتي ميوووووووووووووووووووو

qssu12

[<<دلوعةالقصيم>>]

مي والله اني اليوم بالفسيولجي نمت حتى ورقة التوقيع مامرت علي البنات حضروني بس لنشالله ابحتسب واصبر مالنا الا كذ الله يعيننا
ومشكوره على الرد ياتسبدي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اما انتي ياغربة الروح اوريتس بدينا بكلام العجز اللي يصك الراس
المشكله اني عارفه ماينفعني الا دراستس بس تنكتي عيت تفهم عموما مشكوور جداً وثانكس اوي
"""""""""""""""""""""""""""""""""""""""""""""
اما انت يامرتفع بالسطح ان سويت نصيحك عز الله رحنا فيها لاكليه ولا مستقبل واقول انتبه لدراسك الله يرجك رجاً مبرحاً
وهالنصايح ادرسكم هي تدريس لأني كنت اطبقه العام بكل دهاء ومكر

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مـــــــــــي مالي الا انتي بالذات بالأختبا اللي يوم السبت اللي من الحين ماسكه ملزمته وتشوفين ان ماجيت يوم السبت ماذاكرت
( اجي ادربي خشتتي) qssu6
وأخر الترم الله لايقوله يحدث المتوقع وهو qssu24
وبعدين اروح للدكتوره واقولها qssu27
على هالدرجة وتصفقني اقوى كف qssu23 وبعدين ارجع qssu24
qssu19
qssu12

[لـفتت إنتبـاهـي]

عليك بالدعاء والألحاح بالدعاء

مشكلتك لأنك تركتي الدارسة ورجعتي له وهذا هو الي يسبب الكسل
اسألي مجرب
<<< يعاني من نفس المشكلة بس الحمد لله موب زيك ادرس ونجح بس بنسبة زي هالخشة qssu28

تجيب الهم لاكن الله يوفقنا ويوفقك


لـفتت إنتبـاهـي

[<<دلوعةالقصيم>>]

لفتت انتباهي شكراً على مرورك
والشكر الأكثر على النصيحه
بس انا ماتركت الدراسه الا وقت العطله يعني مثل العالم والناس
الا كان ادرس بالعطله ,,,؟

//////////
سلطان
مشكور على الترحيب
وحنا وش ذبحنا الا كلام الشيبان
لاكن للأسف القسم يستاهل لازم نصبر
الله المستعان
شكراً على النصيحه

>>>>>>>>>>>

[لاميتا]

اقول اقضبي عظامت راستس ولا يكثر ..

مهب نافعتس باتسر الا دراست .. وعلي قولتس القسم يستاهل
يعني اجتهدي وكملي

وبعدين ترا كلنا مانحب الدراسه وهذانا ماسكينن الجاده وندرس

واذا علي الكماخه والنوم عندنا وعندكم خيرررر :wub:

مير انا ماهنا اسطل من اسم الله علي qssu1

والنوووم عاااااد شيء ثااااني .. شوي واشاخر بالقاعه :blink:

وعلي قولت مرتقع فووق .. الله يعز البراشيم qssu3

بس لايطيحون بتس ..


الله يعينك حبيبتـي ويوفـــــــقـــــــك ان شاء الله ..

عاد بشرينا على النتيجه اخر السنه ..

<<<< ---- الله يعين علي الفضااااااااااايح

سي يو ..http://smilies.sofrayt.com/fdm/gentleman.gif

[المهندس]

اهلين دلوعه

اي نجاح يبي تحديد نقطة النجاح
انتي حددتي خطوة النجاح في قبولك للكليه اول الوقت ما قبلتي بالكليه لكن كان عندك نقطة هدف وهي انك تدخلين الكليه وتغلبتي على كل شي ودخلتي الكليه ولله الحمد

لكن انتي ما دخلتي الكليه عشان تتخرجين انتي داخلتها عشان تضييع للوقت او عشان زميلاتك او عشان اهلك تلقين عذر او غير ذلك
اذكر قصه قالها الشيخ عمرو خالد ان فيه وحده ممتازه في دراستها ولكن هي ما وضعت لها هدف النجاح سمعت احد المحاضرات للشيخ وهي عن تحديد الهدف المهم سمعت طريقه حلوه لتحديد الهدف وهي ان تضع شي يذكرك بالهدف جت البنت وضعت ورقه بغرفتها ومكتوب فيها ( سوف انجح الاولى ) يقول ان البنت اذا جاءت للنوم وراءت العباره قامت ودرست وهي تثابر لان هدفها ان تكون الاولى يقول وتخرجت من الثانويه العامه بتقدير 100 % الاولى على المنطقه وارسلت لي تشكرني وتعلمني انها حددت الهدف ووصلت اليه والشيخ قال اسم الفتاة واسمها ( عليا الغنيم ) من المملكه العربيه السعوديه


اعتقد كلامي ما يبي شرح اكثر

تمنياتي لكي بالتوفيق وللجميع

اخوكم المهندس

[ريـــــنـــــاد]

مالقيتي الا مي الداجه
علي العموم الله يوفقك حبيبتي انتي وميوووووووووووووو
مع تحياتي
ري ري qssu11

[.. مَـليـــــح ..]

السلام عليكم 00 << بعد غيبه طالت جاي يبي يسدح لكم نصايح

اقولك دلوعه وسعي صدرك اهم شي وخوذي الامور ببساطه وخلي هم الدراسه على جمب لاتكبرين هم المذاكرة والاجتهاد عشان ماتملين بعدين ومع هذا حاولي انك من يوم ليوم تعودين نفسك على المذاكرة والانتباه مع الدكتورات

ومثل ما قال سلطان يجيك يوم وتتحسفين على تضييعك للايام هذي الدراسه
شدي حيلك بس ولا تضيقين صدرك شوي شوي وتتعودين على دراسة الكليه

qssu29



تحياتي لكم

أخوكم :



ملووووحي qssu11